काठमाडौं । लोकतान्त्रिक समाजवादी पार्टीले नेपाली कांग्रेस र नेकपा एमालेबीच भएको सहमतिका विषयमा बुधबार छलफल गरेको छ ।
कांग्रेस-एमालेबीच नयाँ सरकार बनाउने सहमति भएपछिको सन्दर्भबारे छलफल गर्न बुधबार लोकतान्त्रिक समाजवादी पार्टीले पदाधिकारी बैठक बोलाएको थियो। बैठकमा अध्यक्ष महन्थ ठाकुरले मंगलबार कांग्रेस सभापति शेरबहादुर देउवासँगको भेटमा भएको कुराकानीबारे जानकारी गराएका एक नेताले जानकारी दिए ।
अध्यक्ष ठाकुरले कांग्रेस सभापति देउवाले विगतमा पनि साथ दिएकाले यस पटक पनि साथ दिने आशा गरेको बताएका ती नेताको भनाइ छ । यद्यपि लोसपाले यो गठबन्धनलाई साथ दिने वा नदिने भन्नेबारे आधिकारिक निर्णय भने गरिसकेको छैन ।
