अर्घाखाँचीकी लक्ष्मी न्यौपानेले प्राप्त गरिन् खुल्ला कविता प्रतियोगितामा उत्कृष्ट स्थान



नागरिक संवाददाता


केशव खड्का,जापान । सिर्जनशील मिडिया समूहद्वारा आयोजित १४ औं श्रृंखलामा सम्पन्न खुल्ला कविता प्रतियोगितामा अर्घाखाँची सितगङ्गा घर भई हाल काठमाडौँ बस्दै आएकी लक्ष्मी न्यौपानेले उत्कृष्ट स्थान हासिल गर्दै उल्लेखनीय सफलता प्राप्त गरेकी छिन्।

Advertisement

प्रतियोगितामा विविध क्षेत्रमा संलग्न र साहित्यप्रेमी प्रतिभाहरूको उल्लेखनीय सहभागिता थियो। त्यसमध्ये लक्ष्मी न्यौपानेले प्रस्तुत गरेको कविताले राष्ट्रप्रेमी , उत्कृष्ट प्रस्तुति शैली र प्रभावकारी सन्देशका कारण निर्णायकको मन जित्न सफल भएको आयोजक समितिले जनाएको छ। उनका कवितामा नेपालको परिस्थिति र कानूनी अवस्था प्रष्ट रूपमा झल्किएको पाइन्छ।

Advertisement

प्रतियोगितामा निर्णायकको भूमिकामा लक्ष्मी रायमाझीले सेवा पुर्‍याएकी थिइन् भने, सह–सचिव जेनीशा शिवहरे, कोषाध्यक्ष जगत रायमाझी र अध्यक्ष समिला सुनारले संयुक्त रूपमा प्रमाणपत्र प्रदान गरी न्यौपानेलाई सम्मानित गरेका थिए। आयोजक संस्थाले उनलाई हौसला र प्रोत्साहन प्रदान गर्दै आगामी दिनमा साहित्यको क्षेत्रमा अझ प्रखर योगदान दिने अपेक्षा व्यक्त गरेको छ।

Advertisement

लक्ष्मी न्यौपाने लामो समयदेखि साहित्यिक क्षेत्रमा सक्रिय रहँदै आएकी छन्। उनले विद्यालयस्तरदेखि नै कविता, गीत र रचनामा रुचि राख्दै आएका कारण पछिल्ला वर्षहरूमा साहित्यिक क्षेत्रमा उदाउँदो नक्षत्रका रूपमा स्थापित हुँदै गएकी हुन्। उनलेे साहित्यीक क्षेत्र मात्र नभइ पत्रकारिता क्षेत्र र नृत्य क्षेत्रमा ठुलै फड्को मारेकी छन , उनले भनेकी छन “म आफ्नो लागि हैन यो देशको लागि केही गरेर देखाउछु , मर्नु परेपनी मर्न तयार हुन्छु तर मेरो देश सदैब बाचिरहोस।”

उनको यो सफलता व्यक्तिगत मात्र नभई अर्घाखाँची जिल्लाकै लागि गौरवको विषय बनेको छ। अर्घाखाँची घरपरिवार र स्थानीय समुदायले पनि उनको उपलब्धिलाई आत्मसात गर्दै निरन्तर सृजनात्मक यात्रा , पत्रकारिता र नृत्य मा उच्च स्थान लिएको देख्न मन छ भन्दै साथ र सहयोग गर्ने प्रतिबद्धता जनाएका छन्।

“साहित्य समाजको ऐना हो, यसले हाम्रा भावनालाई शब्दमा उतार्छ,” न्यौपानेले सम्मान ग्रहणपछि भनिन्, “यसरी कविता मार्फत समाजसँग संवाद गर्न पाउनु मेरो लागि ठूलो अवसर हो।”

साहित्यिक चेतना फैलाउने र सिर्जनात्मक प्रतिभालाई उजागर गर्ने उद्देश्यले आयोजना गरिएको सो प्रतियोगिता २०८२साल भदौ १५ गते आइतबारको दिन काठमाडौँमा विशेष समारोहबीच सम्पन्न गरिएको हो।

तपाईलाई यो खबर कस्तो लाग्यो ?


तपाईंको प्रतिक्रिया