बाग्लुङ्ग : हत्या गरेको आरोपमा बाग्लुङ्गमा एकजना पक्राउ परेका छन्। ढोरपाटन नगरपालिका-९ दुवाल बस्ने ३२ वर्षीया कुमारी बिकको हत्या गरेको अभियोगमा सोही ठाउँ बस्ने ३१ वर्षीया तानसरा बिक पक्राउ परेका छन्।
घरयासी विवादको कारण तानसराले दाउरा प्रहार गर्दा कुमारीको घटनास्थलमै मृत्यु भएको भन्ने खबर प्राप्त हुनासाथ प्रहरी चौकी ढोरपाटनबाट खटिएको प्रहरीले उनलाई मंगलबार दिउँसो पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालयले जनाएको छ।
