काठमाडौँ । रसुवाको सीमा क्षेत्रमा चीनतर्फबाट आएको बाढीको कारण केही भन्सार कार्यालयमा क्षति पुगेको छ । सो कार्यालयमा रहेका १५० गाडीमध्ये अधिकांश बगाएको प्रमुख जिल्ला अधिकारी अर्जुन पौडेलले जानकारी दिए ।
मितेरी पुल र केही मानिसलाई पनि बगाएको आशङ्का गरिएपनि आधिकारिक पुष्टि हुन नसकेको बताइएको छ । बाढीको सूचना पाएसँगै उद्धारको लागि टोली पठाइएको जिल्ला प्रहरी कार्यालय रसुवाले जानकारी दिएको छ ।
