काठमाडौँ । कपिलवस्तु जिल्लाको वाणगंगा वर्षा मापन केन्द्र तथा आसपासका क्षेत्रमा पछिल्लो एक घण्टामा हल्का देखि मध्यम वर्षा मापन भएको जल तथा मौसम विज्ञान विभागले जनाएको छ।
विभागका अनुसार उक्त क्षेत्रमा अझै थप वर्षाको सम्भावना रहेकाले स–साना नदीहरूमा पानीको सतह बढ्न सक्ने र बाढीको जोखिम उच्च रहेको छ।
विशेष गरी वाणगंगा क्षेत्रमा बहने साना नदी तथा खोलानालामा आकस्मिक बाढीको सम्भावना रहेकाले तटीय क्षेत्रहरू र डुबान हुने सम्भावित होचो भू–भागमा बसोबास गर्ने नागरिकहरूलाई उच्च सतर्कता अपनाउन विभागले अनुरोध गरेको छ।
