केशव खड्का,जापान । चर्चित लोक तथा दोहोरि गायक अर्जुन सापकोटाले नयाँ गीत ‘के जन्मिएँ खै?’ सार्वजनिक गरेका छन्। बिहीबार साँझ युट्युबमार्फत सार्वजनिक गरिएको उक्त गीतमा शब्द, स्वर र संगीत स्वयं सापकोटाकै रहेको छ।
गीतमा अर्जुन सापकोटा र हरि गिरी विमर्शीको शब्द समावेश गरिएको छ भने संगीत संयोजन (एरेञ्ज) एचबिएन किस्मतले गरेका छन्। भावपूर्ण शब्द र आकर्षक संगीत संयोजनले गीतलाई थप सशक्त बनाएको छ। भिडियो पक्षमा गायक अर्जुन सापकोटा आफैं मुख्य भूमिकामा देखिएका छन्।
उनको साथमा शिवु पाण्डे, कविता न्यौपाने, दीपा सिंखडा, जुना विश्वकर्मा, दिपा शाही र रेकिशा खत्रीले अभिनय प्रस्तुत गरेका छन्। अर्जुनको अभिनयसँगै भिडियोमा प्रस्तुत नृत्य पनि आकर्षक रुपमा प्रस्तुत गरिएको छ। भिडियोको निर्देशन मौसम हिमालीले गरेका हुन्।
छायांकन दिनेश पराजुली र टिमले गरेका छन् भने सम्पादन मिलन विश्वकर्माले गरेका छन्। गीत ‘के जन्मिएँ खै?’ जीवन,अस्तित्व र समाजप्रतिको प्रश्नको भाव बोकेको गम्भीर र भावनात्मक सिर्जना हो,जसले दर्शक तथा श्रोतालाई गहिरो प्रभाव पार्ने अपेक्षा गरिएको छ।
भिडियो
