गुल्मी । गुल्मीमा रोकेर राखेको जिप आफै गुडेर पल्टिएको छ । धुर्कोट गाउँपालिका वडा न ६ करमचाल्नेमा लु ३ च ७१५३ नं को जिप आफै गुडेर पल्टिदा २० मिटर तल पुगेको छ ।
जिल्ला प्रहरी कार्यालय गुल्मीका अनुसार उक्त जिपले राम बहादुर सामतको टिनको छाना भएको कुटानी पिसानी मिल माथी खस्दा मिलमा क्षती पुर्याएको छ । आज शुक्रबार बिहान ६ बजे भएको उक्त घटनामा मानविय क्षती भने नभएको प्रहरीले बताएको छ ।
चालक कमल जि.सीले गाडि पार्किङ्ग गरेर राखेको डबलक्याब जिप एक्कासी गुडेर पल्टिएपछि यो दुर्घटना भएको हो । अहिले गाडि निकाल्ने प्रयास भईरहेको जिल्ला प्रहरी कार्यालय गुल्मीले बताएको छ ।
