बेरुत । मध्य लेबनानको दुई घरमा इजरायली आक्रमणमा परेर २३ जनाको मृत्यु भएको लेबनानको स्वास्थ्य मन्त्रालयले बताएको छ । लेबनानका अनुसार इजरायलले जुन ठाउँमा आक्रमण गरेको थियो, त्यहाँ विस्थापित परिवारहरू बस्दै आएका थिए ।
यी आक्रमणमा मारिनेमा अधिकांश महिला र बालबालिका रहेको बताइएको छ । इजरायलले आक्रमण गरेका दुई वटा गाउँहरू माउन्ट लेबनान क्षेत्रमा छ । यो हिजबुल्लाहको अखडा रहेको क्षेत्रमा पर्दैनथ्यो ।
आफूहरूले बेरुतको दक्षिणी उपनगरहरूमा हिजबुल्लाह लक्ष्यहरूमा आक्रमणपछि भएका आक्रमणहरूबारे अनुसन्धान गरिरहेको इजरायली सेनाले बताएको छ । यसैबिच उत्तरी इजरायलको नाहरिया सहरमा हिजबुल्लाहको रकेट आक्रमणमा परी दुई जनाको मृत्यु भएको छ ।
