काठमाडौं– सर्लाहीमा गाडीले किच्दा सशस्त्र प्रहरी निरीक्षक विजय कुमार तुलाधरको मृत्यु भएको छ । तीव्रगतिमा रहेको बागमती प्रदेश ०१–००६ख २००४ नम्बरको बस गएराति बलरा नगरपालिका–९, छतौना बोर्डर आउट पोष्ट (बीओपी)मा ड्युटीमा रहेका तुलाधरमाथि बजारिँदा उनको मृत्यु भएको हो ।
बसले थिचेर गम्भीर घाइते भएका निजको उपचारका लागि प्रादेशिक अस्पताल मलङ्गवा लैजाने क्रममा बाटोमा नै मृत्यु भएको सशस्त्र प्रहरी उपरीक्षक विनोदराज खनालले जानकारी दिए । प्रहरीले बसचालकसहित तीन जनालाई पक्राउ गरेको छ ।
