काठमाडाैँ। जल तथा मौसम विज्ञान विभागका अनुसार आज (शनिबार) बिहान ३ः२५ बजे कास्कीको लुम्ले र आसपासका क्षेत्रमा पछिल्ला ६ घण्टामा भारी वर्षा मापन गरेको छ। विभागले अझै पनि वर्षा जारी रहने सम्भावना रहेको बताएको छ।
वर्षाका कारण सो क्षेत्र हुँदै बहने साना खोलामा आकस्मिक रूपमा बहाव बढ्न सक्ने सम्भावना रहेको र कमजोर तथा भिरालो भू–भागमा पहिरोको खतरा पनि उच्च रहेको विभागले जनाएको छ।
स्थानीय बासिन्दालाई आवश्यक सतर्कता अपनाउन, खोला किनार तथा भिरालो स्थानबाट टाढा रहन र विभाग तथा स्थानीय प्रशासनबाट आउने सूचनालाई ध्यानपूर्वक पालन गर्न विभागले अनुरोध गरेको छ।
