दमास्कस । इजरायलले बुधबार सिरियाको राजधानी दमास्कसमा ठुलो हवाई आक्रमण गरेको छ । यसको दृश्य लाइभ टेलिभिजन प्रसारणको क्रममा प्रत्यक्ष रूपमा क्यामेरामा कैद भएको छ।
सिरियाली स्वास्थ्य मन्त्रालयका अनुसार इजरायली आक्रमणमा कम्तीमा ३ जनाको मृत्यु भएको छ भने ३४ जना घाइते भएका छन्। इजरायली सेनाले सिरियाको रक्षा मन्त्रालयको भवनलाई लक्षित गर्दै आक्रमण गरेको पुष्टि गरेको छ।
एक सिरियाली टेलिभिजन च्यानलको फुटेजमा एक महिला समाचारवाचक (एंकर) प्रत्यक्ष प्रसारणमा समाचार पढिरहेको देखिन्छ, त्यही बेला उनको पछाडि रहेको रक्षा मन्त्रालयको भवनमा हवाई हमला भएको थियो।
भवन विस्फोटसँगै भत्किएको देखिएपछि एंकर डरले स्टुडियोबाट भागेकी थिइन्, र त्यो दृश्य पनि अन-एयर प्रसारणमा समावेश भयो।
यस्तै, अर्को भिडियोमा रिपोर्टर रिपोर्टिङ गर्दै गर्दा ठ्याक्कै त्यही समयमा आक्रमण भएको देखिन्छ। यस्ता लाइभ फुटेजहरू अहिले सामाजिक सञ्जालमा तीव्र रूपमा भाइरल भइरहेका छन्।
Israel bombed the Syrian presidential palace, the Ministry of Defence in Damascus and the Umayyad square in the heart of Damascus.
Israel said it has started bombing Syria. pic.twitter.com/RtLeCF26HM
— Elijah J. Magnier 🇪🇺 (@ejmalrai) July 16, 2025
