काठमाडौँ । युरोपियन च्याम्पियन्स लिग अन्तर्गत बुधबार सम्पन्न अर्को खेलमा रियल म्याड्रिडले मार्सेइलाई २-१ ले पराजित गरेको छ। मार्सेइका लागि टिमोथी वेहले खेलको २२औँ मिनेटमा गोल गर्दै टोलीलाई अग्रता दिलाएका थिए।
तर रियल म्याड्रिडले खेलमा पुनः पेनाल्टी मार्फत कमब्याक गर्दै २–१ गोल अन्तरले विजयी बनेको हो । खेलको २८औँ मिनेटमा किलियन एमबाप्पेले पेनाल्टी गोल गर्दै बराबरी गरे भने ८१औँ मिनेटमा पाएको पेनाल्टी मार्फत पुनः दोस्रो गोल गर्दै रियलको जीत सुनिश्चित गरे।
यस्तै, रियल म्याड्रिडका डिफेन्डर डानी कारभाजलले ७२औँ मिनेटमा रातो कार्ड पाएका थिए। यस जितसँगै रियल म्याड्रिडले प्रतियोगितामा महत्त्वपूर्ण तीन अङ्क सुरक्षित गरेको छ । बुधबारै सम्पन्न युभेन्टस र जर्मन क्लब बोरुसिया डर्टमण्डबिचको खेल ४-४ को बराबरीमा टुङ्गिएको छ ।
