अर्घाखाँची — छत्रदेव गाउँपालिका–५ डाँडाचौपारीबाट सन्धिखर्कतर्फ आउँदै गरेको लु १ ज ४३५२ नम्बरको जिप दुर्घटना हुँदा ९ जना घाइते भएका छन् । उनीहरूको अर्घाखाँची अस्पतालमा उपचार भइरहेको छ ।
जिप ब्रेक फेल भएर दुर्घटना भएको प्रहरीले जनाएको छ । जिपमा १५ जना सवार थिए । जसमध्ये ९ जना घाइते छन् । दुई जनाको अवस्था गम्भीर प्रहरी नायब उपरीक्षक दिवस जिसीले जानकारी दिए ।
यसरी गम्भीर घाइते हुनेमा पाणिनि गाउँपालिका-८ पाली बस्ने चालक वर्ष २७ का बेलबहादुर मुखिया र मालारानी गाउँपालिका- १ बस्ने वर्ष ७० का भोजराज भुसाल रहेका छन् । सबै घाइतेको अर्घाखाँची अस्पतालमा उपचार भएको छ ।






