गुल्मी। आज बिहान करिब पौने १० बजेको समयमा गुल्मीको रेसुङ्गा नगरपालिका -३ भाडगाउँका अनिल बस्नेतको गोठ जलेर नष्ट भएको छ । जिल्ला प्रहरी कार्यालय गुल्मीका सूचना अधिकारी डिएसपी गङ्गा बहादुर सारुका अनुसार बस्नेतको ढुङ्गा माटोले बनेको टिनको छानो भएको १ तले कच्चि गोठमा कुडो पकाउने क्रममा अचानक आगलागि भई गोठ जलेर पुर्ण रुपमा क्षति भएको हो ।
उप्त खबर पाउन साथ रेसुङ्गा नगरपालिकाको दमकल लिएर जिल्ला प्रहरी कार्यालय बाट प्रहरी टोली पुगेर र स्थानियको सहयोगमा पौने ११ बजेतिर आगो नियन्त्रणमा लिएको जनाईएको छ । गोठमा बाधेको २ वटा भैसी र १ वटा गाई जलेर सामान्य घाईते भएको र मानविय क्षति नभएको त्यस वडाका वडाध्यक्ष बाबुराम खत्रीले बताउनु भयो ।
