गुल्मी — रेसुङ्गा नगरपालिका–९ उपल्लो तम्घासमा सोमबार राति करिब ११:१५ बजे सिता सुनारको ढुंगा–माटोले बनेको टिनले छाएको दुईतले कच्ची गोठमा अचानक आगलागी भएको छ।
घटनाको जानकारी प्राप्त हुनासाथ जिल्ला प्रहरी कार्यालय गुल्मीबाट प्र.स.नि. एन्जल बुढाथोकीको कमाण्डमा ५ जनाको प्रहरी टोली खटिएको थियो। आगलागीका क्रममा गोठमा रहेको एक भैंसीको पछाडिको खुट्टाको भाग जलेर सामान्य घाइते भएको छ।
स्थानीयवासी र प्रहरीको सक्रियतामा आगो राति करिब ११ बजे पूर्ण रूपमा नियन्त्रणमा लिइएको प्रहरीले जनाएको छ। आगलागीबाट गोठ आंशिक रूपमा क्षति भएको छ भने कुनै मानवीय क्षति भएको छैन।
घटनाबारे थप विवरण आउन बाँकी रहेको प्रहरीले जनाएको छ।
