काठमाडौं– राष्ट्रिय परीक्षा बोर्डले माध्यामिक शिक्षा परीक्षा (एसईई) को नतिजा सार्वजनिक गरेको छ । बोर्डले आज पत्रकार सम्मेलनमार्फत नतिजा सार्वजनिक गरेको हो । सार्वजनिक गरिएको नतिजा अनुसार ४ लाख ६४ हजार ७८५ विद्यार्थी मध्ये नियमिततर्फ २ लाख ४२ हजार ९२ जना विद्यार्थी कक्षा ११ मा भर्नाका लागि योग्य भएका छन् ।
बोर्डका अनुसार यस वर्ष सबैभन्दा बढी विद्यार्थीले २.८० देखि ३.२० जीपीए प्राप्त गरेका छन् । यो ग्रेडभित्र ७८ हजार ८७४ विद्यार्थी छन् । यस्तै, सबैभन्दा कम ६ विद्यार्थीले १.६० देखि २.० जीपीए ल्याएका छन् ।
सबैभन्दा राम्रो ४ जीपीए ल्याउने विद्यार्थीको संख्या १८६ रहेको छ । ३.६० देखि ४.० जीपीए ल्याउने ३१ हजार २०९ जना छन् । यसैगरी, ३.२० देखि ३.६० जीपीए ल्याउने ६८ हजार २५६ जना, २.८० देखि ३.२० ल्याउने जीपीए २.४० देखि २८० सम्म ल्याउने परीक्षार्थीको संख्या ४१ हजार १७७ छन् । २ हजार ९५० जनाले जीपीए २.० देखि २.४० ल्याएका छन् ।
यस वर्ष दुई लाख ४२ हजार ३१३ परीक्षार्थी नन ग्रेडमा परेको बोर्डका अध्यक्ष महाश्रम शर्माले जानकारी दिए । जसमा दुई विषयसम्म नन ग्रेड हुनेको संख्या एक लाख १५ हजार ८३४ विद्यार्थी छन् । दुई सय २१ जनाको परीक्षा रद्द भएको छ ।
यो पनि पढ्नुहोस्
- Breaking News:एसईईको नतिजा सार्वजनिक, करिब ४८ प्रतिशत उतिर्ण
- सार्वजनिक नगर्दै एसईई नतिजा बाहिरिएकोमा छानबिन हुने
- एसईई नतिजा : विद्यार्थीको विषयगत ग्रेडिङ
- कुन जिल्लाका कति परीक्षार्थीको परीक्षा रद्द ? हेर्नुहोस्!
- १ लाख १५ हजार विद्यार्थीहरूले स्तर वृद्धि परीक्षा दिन पाउने
- एसईईको नतिजा घोषणा, ३१ हजारले ल्याए सर्वाधिक जीपीए
- कुन विषयमा कति बिद्यार्थी अनुत्तीर्ण? हेर्नुहोस्
