अर्घाखाँची : अर्घाखाँचीको दुर्गाफाटमा बेलुका भएको मोटरसाइकल दुर्घटनामा २ जनाको मृत्यु भएको छ। एकजना घाइते भएका छन्।
पाणिनि गाउँपालिका-३ दुर्घाफाटमा आज बेलुका झन्डै पौने ८ बजे निगालीबाट दुर्घाफाटतर्फ आउँदै गरेको ना ३६ प ३५०९ नम्बरको मोटरसाइकल दुर्घटना भएको हो।
दुर्घटनामा मोटर साइकल चालक पाणिनि ४ निगालीका १८ वर्षीय गौतम बिक र सोही मोटरसाइकलमा सवार २४ वर्षीय सागर बिकको मृत्यु भएको जिल्ला प्रहरी कार्यालयका प्रमुख डीएसपी दिवस जिसीले बताए।
सोही मोटरसाइकलमा पछाडी सवार २५ वर्षीय सन्तोष घर्तीको गुल्मीको खर्ज्याङमा रहेको अस्पतालमा उपचार पछि थप उपचारको लागि पाल्पा रिफर गरिएको छ। एउटै मोटरसाइकलमा सवार ३ जना रहेको र घटनाको अनुसन्धान भइरहेको प्रहरीको भनाइ छ।
