गुल्मी । राष्ट्रिय लाेक तथा दाेहाेरी गीत प्रतिष्ठान नेपाल जिल्ला कार्यसमिति गुल्मीको ८ औं जिल्ला अधिवेशन हुँदैछ । कार्तिक २२ गते शनिबार तम्घासकाे लाकुरीमञ्चमा बृहत् साँस्कृतिक कार्यक्रम सहित सम्पन्न हुने पत्रकार सम्मेलन मार्फत जानकारी गराइएको छ ।
बिहीबार तम्घासस्थित रेसुंगा हाेटलमा पत्रकार सम्मेलन गर्दै उक्त कार्यक्रम बारे राष्ट्रिय लाेक तथा दाेहाेरी गीत प्रतिष्ठान नेपाल जिल्ला कार्यसमिति अध्यक्ष शिलु भट्टराईले जानकारी गराएकी थिइन् । अधिवेशनकाे पूर्वसन्ध्यामा सरसफाइ र फलफूल वितरण लगायतका कार्यक्रम हुनेछन् ।
अधिवेशनकाे दाैरानमा उत्कृष्ट सदस्य पुरस्कार र उत्कृष्ट पत्रकारिता पुरस्कार प्रदान गर्ने राष्ट्रिय लाेक तथा दाेहाेरी गीत प्रतिष्ठान जिल्ला कार्यसमिति गुल्मीका पूर्वअध्यक्ष जनक पन्तले जानकारी दिए ।
अधिवेशन राष्ट्रिय लाेक तथा दाेहाेरी गीत प्रतिष्ठान नेपालका उपाध्यक्ष तथा राष्ट्रिय कलाकार पुस्कल शर्मा प्रमुख अतिथिका रुपमा रहनेछन् । कार्यक्रम जिल्ला प्रशासन कार्यालय गुल्मी तथा जिल्ला समन्वय समिति गुल्मीकाे कार्यालय अगाडि सहिदचाेक लाकुरीमंचमा हुनेछ । साँस्कृतिक कार्यक्रम नि:शुल्क हेर्ने व्यवस्था मिलाइएको छ ।
राष्ट्रिय लाेक तथा दाेहाेरी गीत प्रतिष्ठान जिल्ला कार्यसमिति गुल्मीका पूर्वअध्यक्ष तथा पत्रकार सम्मेलनका प्रमुख अतिथि खुम खत्रीले कार्यक्रम भव्य रुपमा सम्पन्न हुने बताए । उनलेे अधिवेशनमा नियम, प्रक्रिया र यसअघिका जस्तै सफल रुपमा संचालन हुने बताए । पूर्वअध्यक्ष खत्रीले ग्रामीण भेगमा रहेका प्रतिभाहरुलाई आफूहरूले जाेड्दै जाने बताए ।
अधिवेशनका क्रममा हुने बृहत् साँस्कृतिक कार्यक्रम कार्तिक २२ गते शनिबार बिहान साढे ११ बजेदेखि सुरु हुँदैछ ।
