काठमाडौँ । कास्की जिल्लाबाट प्रहरीले १ महिनामा ४२ जना फरार प्रतिवादीहरूलाई पक्राउ गरेको छ । वैशाख महिनाभरमा ४२ जना फरार प्रतिवादीहरूलाई पक्राउ गरिएको कास्कीका एसपी मोहन थापाले रातोपाटीलाई बताए ।
जिल्ला प्रहरी कार्यालय कास्की र मातहतका प्रहरी युनिटहरुबाट खटिएका प्रहरीले चेक अनादर मुद्दामा फरार १८ जना, लागुऔषध मुद्दामा फरार ८ जना र डाँकाचोरी मुद्दाका ४ जनालाई पक्राउ गरेका हुन् । बलात्कार मुद्दामा फरार १ जना, जुवा मुद्दामा फरार ३ जना र पशुपन्छी सम्बन्धी कसुरमा फरार ४ जना पक्राउ परेका छन् ।
ठगी मुद्दाका ५ जना फरार पक्राउ परेका छन् । अदालतबाट फैसला भएर कैद तथा जरिवाना भुक्तान नगरेर फरार भएकाहरूलाई पक्राउ गरिएको एसपी थापाले जानकारी दिए ।
