गुल्मी । गुल्मीको धुर्कोट गाउँपालिका–२ स्थित पिपलधारा उदिना ठूलाभिरा सीमामा एक जना पुरुष मृत फेला परेका छन् । सोमबार दिउँसो अन्दाजी ७० वर्ष उमेरको देखिने पुरुष मृत अवस्थामा फेला परेको गुल्मी प्रहरीले जनाएको छ ।
मृतकको हालसम्म नाम, थर र वतन खुलेको छैन । घटनाबारे थप अनुसन्धान गर्न इलाका प्रहरी कार्यालय पुर्कोटदहबाट प्रहरी निरीक्षक रेवन्त सेनको नेतृत्वमा टोली घटनास्थल गएको छ ।
त्यस्तै,आइतबार बेलुकी पनि मुसिकोट नगरपालिकास्थित वामी–रिडी सडकखण्डको छेउमा एक अज्ञात पुरुष मृत अवस्थामा फेला परेका थिए । गुल्मीको मुसिकोट नगरपालिका वडा नं ५ ईन्द्रेगौँणा स्थित वामी- रिडि सडक खण्डमा एक वृद्ध मृत फेला परेका छन् ।
चन्द्रकोट गा.पा.– ८ तुराङ्ग करम्दीका ७५ वर्षीय राम बहादुर कुमालको शव सडक छेउमा फेला परेको जिल्ला प्रहरी कार्यालय गुल्मीले जनाएको छ । मृतकको शव उनका छोराले पहिचान गरेका हुन् ।
घटनास्थलमा शवको मुचुल्का गरी पोष्टमार्टमको लागि तम्घास लगिँदै गरेको प्रहरीले जनाएको छ । घटनाबारे थप अनुसन्धान भईरहेको छ ।
