अर्घाखाँची : अर्घाखाँचीको पाणिनि गाउँपालिकामा ११ वर्षीया बालिकासँग विवाह गर्ने युवक पक्राउ परेका छन्। ११ वर्ष ७ महिना ५ दिनकी बालिकालाई विवाह गर्ने पाणिनि गाउँपालिका-४ गेजाटाकुराका ३० वर्षीय अमर बहादुर रानालाई पक्राउ गरिएको जिल्ला प्रहरी कार्यालय अर्घाखाँचीका प्रमुख डीएसपी प्रतीत सिंह राठोरले बताए।
बालिकाका आफन्तले वैशाख ३१ गते राति विवाह गरेको जाहेरी दिएपछि प्रहरीले आइतबार पक्राउ गरेको हो। जिल्ला अदालत अर्घाखाँचीबाट ५ दिनको म्याद थप गरी प्रहरीले अनुसन्धान गरिरहेको छ। घटनाका बारेमा थप अनुसन्धान भइरहेको प्रहरीको भनाइ छ।
